Reta y’Uburundi yasavye ko hokorwa urusansuma rw’impunzi ziri muri Tanzaniya

Inyuma y’inama yahuje Reta y’Uburundi, Reta ya Tanzaniya hamwe n’ishirahamwe rijejwe impunzi HCR, ku vyerekeye itahukanwa ry’impunzi zipfuza gutahuka ku bushake bwazo, Umushikiranganji w’intwaro yo hagati mu gihugu n’inyigisho zo gukundisha igihugu, Pascal BARANDAGIYE yamenyesheje ko ivyo bitigiri bitangwa vy’impunzi ziri muri Tanzaniya atarivyo kuko bidafatira ku barundi bitahukana ubwabo batarinzwe kwandikwa na HCR.

Mu gihe habaye impari nyinshi zo kutumvikana ku gitigiri c’impunzi ziri muri Tanzaniya, umushikiranganji Pascal BARANDAGIYE yasavye ko hakorwa rusansuma mu guharura umuntu ku wundi, kugira igitigiri c’ukuri c’impunzi ziri muri ayo makambi gihurizweko na bose.