Accueil > Amakuru > ishirahamwe > SOS-Torture : 8 barishwe, 14 bahagarikwa mu kiringo c’indwi imwe
SOS-Torture : 8 barishwe, 14 bahagarikwa mu kiringo c’indwi imwe
lundi 17 Mukakaro 2017
Mu cegeranyo c’ishirahamwe SOS-Torture Burundi gisohoka ku ndwi, bagaruka ku gitero ca gerenade cabereye mu ntara ya Kayanza, komine Gatara, aho abantu batanu bapfiriye abandi barenga 40 barakomereka.
SOS-Torture Burundi riragaruka kandi kw’ihagarikwa n’abakozi b’urwego rw’igendereza rya Germain RUKUKI umunywanyi w’ishirahamwe ACAT Burundi, kw’igenekerezo rya 13 Mukakaro 2017.
Ico cegeranyo ca SOS-Torture Burundi kimenyesha kandi ko abanywanyi indwi b’umugambwe FNL utavuga rumwe na Reta mu bice bitandukanye vy’igihugu.
Mu banywanyi indwi b’umugambwe FNL bahagaritswe, ishirahamwe SOS-Torture Burundi rigaruka ku mukenyezi NDIWENUMURYANGO Esperance ari mu bajejwe intwaro ku rwego rwo hasi muri Zone Minago,komine n’intara ya Rumonge.Uwo mukenyezi yagirijwe kugirisha inama zitemewe n’amategeko.
Ku bahagaritswe n’urwego rw’igendereza,ishirahamwe SOS-Torture Burundi rimenyesha ko,urwo rwego rutavuga igituma bahagaritswe n’aho bapfungiwe.
MUGISHA Van Naris
