Accueil > Kwidagadura > umucuraranzi > Spok’s > Spok’s yatanze ubutumwa inyuma yo gusohoka ibitaro
Spok’s yatanze ubutumwa inyuma yo gusohoka ibitaro
lundi 9 Gitugutu 2017, par
Mu butumwa yatanze igihe yari avuye gusenga kuri uwu w’Imana, yagize ati : "Icubahiro kibe ic’IMANA yo yankijije Malaria yari imazeko imisi, ubu nakize meze neza naraye nsohotse ibitaro murabona ko mvuye gusenga."
Arongera ati : "Nagire mfate akanya nshimire cane incuti n’abagenzi umwe wese mu cubahiro ciwe ku kuntu mwambaye hafi aho nari ku musego. Ndashimiye abigoye bose bakahashika n’abavyiyumviriye bakabura akanya, abansengeye bose, n’abanyandikiye bose ubutumwa bw’indemesho."
- Spok’s avuye gusenga kuri uwu w’Imana
Spok’s avuga ko naho vyari ibihe bigoye yarabonye ko afise abakunzi benshi, arongera ati : "Muri benshi cane vy’ukuri narabonye ko mumfise ku mutima, ubutumwa bwanyu ( sms) mbandanya ndabusoma naho ari bwinshi kandi bwose nzobwishura."
Baba abamusuhuje canke abatabikoze, Spok’s ati : "IMANA ibampezagirire kandi mumenye ko ndabakunda cane."
Tubibutse ko Spok’s yahora arwariye mu bitaro vy’ababikira biri hagati mu gisagara ca Bujumbura.
Cherif NKESHIMANA
