Umukuru w’igihugu Petero NKURUNZIZA yahojeje abanyalijeriya

Muri ubwo butumwa yacishije ku rubuga rwiwe rwa Twitter, umukuru w’igihugu c’Uburundi yahojeje umukuru w’igihugu Bouteflika, abanyagihugu na Reta ya Algerie.

Umukuru w’igihugu Petero NKURUNZIZA yavuze ko Uburundi bwakiranye umubabaro mwinshi isanganya ry’indege ya gisirikare ryahitanye abagabo n’abakenyezi, kuwa gatatu igenekerezo rya 11 Ndamukiza 2018.

Iyo ndege ya gisirikare yagize isanganya mu gatondo ko kur’uyu wa gatatu igenekerezo rya 11 Ndamukiza 2018, inyuma y’umwanya muto ivuye hasi.

Umukuru w’igihugu ca Algerie yaciye ashira umukono kw’itegeko rishiraho ikigandaro c’iminsi itatu.

Urubuga rw’imboneshakure y’abafaransa France 24, rumenyesha ko ari isanganya ry’indege rigira kane rihitanye abantu benshi kw’isi, mu myaka 20 iheze.