Accueil > Amakuru > ishirahamwe > Umushikiranganji wo gutwara abantu n’ibintu asabwa gukurikiranira hafi (...)
Umushikiranganji wo gutwara abantu n’ibintu asabwa gukurikiranira hafi ibibera muri SOBUGEA
mercredi 7 février 2018
Mw’ikete umukuru w’ishirahamwe OLUCOME yandikiye umushikiranganji wo gutwara abantu n’ibintu hamwe n’ibikorwa vya Reta,Gabriel RUFYIRI amenyesha ko baronse amakuru avuga ko abagize urwego nshingwantwaro ba SOBUGEA bategetse abakozi b’iryo shirahamwe gusubiza uturusho bahabwa ku mwaka ku mwaka .
Gabriel RUFYIRI amenyesha ko ivyo biciye kubiri n’amategeko kandi bibujijwe kw’ishirahamwe ryaka uburenganzira abakozi baryo ,ku bijanye n’uturusho dutangwa ku mwaka ku mwaka.
Ishirahamwe OLUCOME risaba uwo mushikiranganji kwitura ubugenduzi bukuru bwa Reta hamwe na sentare yubahiriza amatungo ya Reta, kugira bigenzure ishirahamwe SOBUGEA mu ntumbero yo kumenya amakosa ariko arakorerwa muri iryo shirahamwe.
- Gabriel RUFYIRI, umukuru w’ishirahamwe OLUCOME
Muri iryo kete, OLUCOME rirangiza risaba ubugenduzi bukuru bwa Reta hamwe na sentare ijejwe kwubahiriza amatungo ya Reta kwerekana mu bikorwa ajejwe mw’ishirahamwe SOBUGEA, uko amasoko atangwa no kwerekana uko itorwa ry’inganda ryaho imodoka zikorerwa bigenda.
Vianney BIKORIMANA
