Umwimbu w’ubutare bwa Coltan uboneka ku kwezi wariyongereye

Umukuru w’igihugu Petero NKURUNZIZA avuga ko ubutare bwazimira bwaba bwashowe mu bihugu bibanyi, mu nzira zitazwi n’amategeko.

Mw’ijambo yashikirije yipfuriza abarundi umwaka mushasha wa 2018, umukuru w’igihugu Petero NKURUNZIZA yavuze ko uwo mwimbu mwiza bawukesha abajejwe intwaro n’abajejwe umutekano barwanije bimwe biboneka, urudandazwa rudakurikije amategeko rw’ubutare.

Umukuru w’igihugu yavuze ko mu mwaka wa 2017, hafashwe itoni zirenga 19 za karumbeti (Coltan),itoni imwe n’igice za gasegereti (Cassiterite) n’itoni indwi n’igice z’ubutare bwa Nickel.