Abaherutse gushirwa muri Reta barahijwe

Bamwe ndwi baherutse kugenwa ngo baje muri Reta, kuri uyu wa 7 Ruhuhuma imbere y’umutaga niho barahira imbere y’umukuru w’igihugu, hariya mu ngoro y’Inama Nshingamateka mu Kigobe.

Abo nabo ni Jean Claude Ndihokubwayo yagenywe ngo abe umushikiranganji w’iterambere ry’amakomine, Dr Joseph Butore umushikiranganji w’inyigisho za kaminuza n’ubushakashatsi, Dr Rose Gahiru umushikiranganji w’amashure mato mato n’ayisumbuye, Leokadiya Nihazi umushikiranganji wo gutumatumanako, kumenyesha amakuru n’imigenderanire hagati ya Reta n’Inama Nshingamateka, Jean Claude Nduwayo umushikiranganji w’ibidukikije, amatongo no gutunganya ibisagara, Deograsiyasi Rurimunzu umushikiranganji wo gutwara abantu n’ibintu hamwe n’ibikorwa vya Reta na Dr Adolphe Rukenkanya umushikiranganji w’urwaruka, inkino n’imicokama.

Ivyo birori vyari vyatewe iteka na Sylvestre Ntibantunganya yahoze arongoye u Burundi, ivyegera vy’umukuru w’igihugu, abashingamateka n’abakenguzamateka, abaserukira ibihugu vyabo hano mu Burundi, hamwe na bakuru bakuru mu butungane, mu gisirikare no mu gipolisi.

Ivyo birori vyasozerewe n’agafoto kubagize Reta bose.

Foto:iwacu-burundi