Abantu 52 kw’ishirahamwe ryose nibo bazogira defire y’1 Mukakaro

Mu gihe hasigaye iminsi ine gusa kugira Uburundi buhimbaze umunsi mukuru w’imyaka 52 bwikukiye, bwikukiye umukuru w’umurwi ujejwe gutegura urwo rubanza avuga ko ishirahamwe ryose rizotanga abantu 52 bazogira idefire.

Zéphyrin Maniratanga umukuru w’umurwi ujejwe gutegura urwo rubanza, akavuga ko mu ntara zose z’Uburundi no mu makomine yose hazohimbazwa imyaka 52 Uburundi bwiganzuye ababucinyiza. Mu gisagara ca Bujumbura naho, urwo rubanza ruzobera ku kibuga citiriwe umuganwa Rudoviko Rwagasore, aho ishirahamwe ryose ryaba irya Reta canke iryigenga, eka nabo bose bazogira defire y’urwo rubanza, batazorenza abantu 52, bisigura imyaka 52 Uburundi bwikukiye. Abatazoba bariko baragira iyodefire, bakazororerera mu bandi, mu bibanza bazoba bateguriwe.

Mwomenya ko ivyo birori biriko biritegurirwa neza, aho amabarabara makuru makuru yo mu gisagara ca Bujumbura ariko arasigwa akabara gashasha, co kimwe n’abasirikare n’abaporisi bariko barategura defire y’uwo munsi.