Accueil > Kwidagadura > umucuraranzi > T-max > Inkuru > Amaguru amukundiye ageze i Nyanza-Lac guteramisha abakunzi biwe
Amaguru amukundiye ageze i Nyanza-Lac guteramisha abakunzi biwe
vendredi 7 Ntwarante 2014
Umuririmvyi w’umudiho wa Rap, T-Max Wanajeshi arafata urugendo aho azoteramisha abo mu gisagara ca Nyanza-Lac.
Ku muhingamo w’uwu wa gatanu, T-Max ari kumwe n’umuririmvyi Franki barafata urugendo rubamushikana mu gisagara ca Nyanza-Lac aho ni mu ntara ya Makamba. Muramuzi, aririmba mu mudiho wa rap. Tumubajije igituma yahisemwo kugirira ico giteramo aho i Nyanza-Lac, uwo muririmvyi avugako iriya ntara ari iyabo, eka n’abanyagihugu baho baramukunda.
Ico giteramo agiye kuremesha i Nyanza-Lac mu nzu y’ibiteramo yitwa "Night Club" guhera igihe c’isaha cumi z’umuhingamo (16h00). Hazoba ari k’umunsi w’ejo w’igenekerezo rya 08. Kubera abakunda, igiteramo kiri ku mahera 1500 y’amarundi y’ukwinjira ku muntu.
Mwomenya ko uwo muririmvyi ari kumwe na Yoya Jamal na Samantha bagiranye amasezerano y’umwaka y’ugukorana n’inzu Ikoh Multiservice ihingura amasanamu, indirimbo, n’amareresi. Ayo masezerano nayo kuzokora indirimbo, n’amasanamu bizoja murukwirikirane " You’will Love Changes Vol1."
Cherif Nkeshimana
Messages
7 Ntwarante 2014, 21:17, par Nkuru
Nivyiza nibaterimbere nkumuzinga ngahoharuguru nimukosore gato Nyanza-lac ntirimuntara ya Bururi.irimuntara ya Makamba.
7 Ntwarante 2014, 23:19, par innocent
Ndabasavye vous les journalistes imbere yo kuduha amakuru mubanze mutohoze neza kandi mumenye neza ivyo muvuga.Kuva ryari Nyanza lac iri mu ntara ya Bururi ko mperuka iri mu ntara ya Makamba?yimutse ryari?Uko nikwo mutakaza amanota kubasoma inkuru zanyu.
8 Ntwarante 2014, 07:52, par John
Nyanza-lac mu ntara ya BURURI ???????????????????????
Nta nico nongerako....
18 Ruhuhuma 2016, 13:12, par hemed chigtomaz
mimi hemedy chigtomaz nipo nyanza lac nawapa hai na chana sana?