Rawurenti Kavakure yarakiriye abaserukira Ibihugu vyabo

Imvo nyamukuru yakoranije umushikiranganji w’imigenderanire y’Uburundi n’ibindi bihugu, kwari ukuvugana ibijanye na yanteguro y’itegeko rizogenga umwuga wo kumenyesha amakuru , urupapuro rwinzira rushira amatora y’umwaka 2015, umwimbu mu murwi w’igihugu ujejwe ibibazo vy’amatongo no gusubiza muzabo abaziteshejwe CNTB.

Muri uwo mubonano kandi, bararabiye hamwe utuntu n’ utundi aho bavuganye ku kibazo ca Zebiya Ngendakumana w’i Businde mu ntara ya Kayanza.

Muri iyo nama nyene hari hitavye umushikiranganji w’intwaro yo hagati mu gihugu, Edwari Nduwimana, umukuru w’umurwi CNTB Musenyeri Serapiyo Bambonanire, kandi hari hitavye umuhanuzi mukuru mu biro vy’icegero ca kabiri c’umukuru w’igihugu, ajejwe ibibazo vy’ubutunzi n’imibano.