Accueil > Amakuru > u Burundi > Croix Rouge y’ubu Chinwa yemeye gufasha abahombeye mw’isoko nkuru ya (...)
Croix Rouge y’ubu Chinwa yemeye gufasha abahombeye mw’isoko nkuru ya Bujumbura
samedi 9 Ruhuhuma 2013
Ku munsi wa gatanu igenekerezo rya 8 Ruhuhuma 2013, mw’ihimbazwa ry’umwaka mushasha w’aba chinwa, uwuserukira ubu Chinwa mu Burundi Ambassadeur Yu Xuzhong yaratangaje ko umuryango utabara imbabare wo mu bu Chinwa wemeye gutanga imiliyoni 30 z’ama dorari yab’abanyamerika mugushigikira umugambi wo gufata mu mugongo abadandaza bo mw’isoko nkuru ya Bujumbura.
Muri ivyo birori vyabereye munyubakwa y’uwuserukira igihugu c’ubu Chinwa mu Burundi, yaratangaje kandi ko ishirahamwe ry’abandandaji b’aba chinwa hamwe n’aba chinwa baba mu Burundi batororokanije amafaranga arenga imiliyoni 20 z’amafaranga y’amarundi kugira bafashe abacikiye amaboko muri iyo soko.
Yu Xuzhong yaravuze kandi ko abategetsi babinonosoye mu gihugu ciwe bariko bariga ivyo abategetsi bab’abarundi basavye. Ivyo navyo bikaba ari ibikoresho vyo gukinga impanuka nkaza kizimyamuriro n’ibindi.
Hagati mu kwezi kwa Ruhuhuma, umurwi w’abachinwa urongowe n’intumwa idasanzwe yanonosoye ibibazo vya Afrika uzogendera u Burundi mu ntumbero yo kubonana n’abategetsi b’u Burundi kugira barabire hamwe ingene boshigikira Reta n’abanyagihugu.
Mariella Bukuru
