Gabriel Nizigama aramenyesha ingingo zo kwongereza umutekano i Bujumbura

Inyuma y’ubwicanyi hamwe n’ubusuma bwibonekeje muri iyi minsi mu gisagara ca Bujumbura ,umshikiranganji w’uburundi w’umutekano komiseri Gabriel Nizigama yamenyesheje ko izindi ngingo ruhasha zigiye gufatwa kugira bongereze umutekano mu gisagara ca Bujumbura.

Igipolisi c’Uburundi kikaba gitegekanya kwongereza amarondo mu gihe hasanzwe hari umutekano ukwiye hamwe no mu gihe c’iminsi mikuru.Umushikiranganji ajejwe ico gisata akaba yarasavye ko inzego zose zobafasha cane ndetse n’abanyagihugu bagafasha.

Harasabwe kandi ko bokwubahiriza amasaha yo kwugara ububare hamwe no kwirinda no kurenza umwanya kuri bimwe twita’’ karaoké ‘’.Izo ngingo zose zikaba zifashwe inyuma yaho hiciwe umusore muri komine ya Ngagara n’abantu bataramenyekana.Iryo bara rikaba ryabaye inyuma y’isaha zitandatu z’ijoro.