Igisata ca ONU kijejwe agateka ka zina muntu gishikiriza abantu barenga 40 bahohotewe

Igisata ca ONU kijejwe agateka ka zina muntu kimenyesha ko abantu barenga 40 bamaze guhohoterwa n’abandi baharurwa mu majana bamaze guhagarikwa bidakurikije amategeko.

Cécile Pouilly ajejwe kumenyesha amakuru mu gisata c’ishirahamwe mpuzamakungu ONU kijejwe agateka ka zina muntu,amenyesha ko ihohoterwa rikorwa mu gihe abajejwe umutekano bariko barahagarika abantu,ivyo navyo bigatera ubwoba abantu bose bose abari mu gisagara ca Bujumbura canke hagati mu gihugu.

Cécile Pouilly avuga ko abategetsi mu gipolisi no mu biro bijejwe igendereza.Avuga kandi ko hari abategetsi benshi bavugwa mu guhohotera abantu,bakaba bariko baravugana n’abategetsi b’igihugu kuri ivyo,kuko bakurikiranira hafi abapfunzwe.

Kubijanye no kumenya nimba hari abamaze guhanwa kubera bahohoteye abantu,uwo ajejwe kumenyesha amakuru mu gisata ca ONU kijejwe agateka ka zina muntu avuga ko,ubutegetsi bw’igihugu atawe barahana yahohoteye umunyagihugu.

Igisata ca ONU kimenyesheje ivyo,inyuma y’iminsi itatu,umumenyeshamakuru w’iradiyo y’abafaransa RFI ahohotewe,aho yari mu kazi kiwe ahari hahejeje kugandagurirwa Lt Gen Adolphe Nshimirimana.