Imvukira z’i Gitega zahaye imfashanyo ba ntahonikora

Imvukira zo mu ntara ya Gitega zaratanze amakarata yo kwivurizako ku banyagihugu ba ntahonikora barenga amajana abiri na mirongo itanu bo ku musozi Mubuga muri iyo ntara nyene ya Gitega.

Jean Jacques Nyenimigabo, nawe nyene avuka muri iyo ntara, niwe yatanze iyo mfashanyo kw’izina ry’izo mvukira.

Yabashikirize n’amafaranga y’amarundi angana umuliyoni azofasha mu kurondera amafoto azoshirwa kuri ayo makarata yo kwivurizako.

Tubibutse ko Jean Jacques Nyenimigabo yahoze ari umushikiranganji w’urwaruka inkino n’imico kama, ubu akaba umuhanuzi mwishikira mu biro vy’umukuru w’igihugu.