Accueil > Kwidagadura > umucuraranzi > N John > Inkuru > Intara ya Karusi izokwakira igiteramo ca mbere c’ishimwe
Intara ya Karusi izokwakira igiteramo ca mbere c’ishimwe
mercredi 24 Kigarama 2014
Umuririmvyi N John Melodica buca aremesha igiteramo ca mbere mu ntara yiwe, ati:" Iminwe iryoha inyurana" kuko iyo ntara yaheruka kumutera iteka ryo kumwubakira icibutso ciwe ku murwa mukuru w’intara.
![](IMG/jpg/dsc_0021-4.jpg?1419415959)
Intara ya Karusi izokwakira ku ncuro ya mbere igiteramo c’umuririmvyi N John Melodica, inyuma yo kumwabakira icibutso ku murwa mukuru w’iyo ntara kubera agashimwe ka Isanganiro Awards 2014 yatsindiye. N John asigura intumbero y’igiteramo uku :" Igiteramo twagiteguye mu ntumbero yo kwipfurizanya umwaka mwiza. N’umunsi mukuru wa Noel twibutsa abavyeyi ko umuco waje mw’isi wotubera urumuri tukavavanura n’umutima w’amacakubiri, tukubaka igihugu kizira indyane".
N John azoba ari kumwe n’abandi baririmvyi bo mu ntara ya Karusi harimwo umurwi NICE BOYS, Jabaa hamwe n’imirwi y’intambo z’ikirundi, eka n’abandi batari bake ushobora gusoma ku rupapuro ntangazagiteramo ruri aha munsi.
![](local/cache-vignettes/L672xH948/10256907_1749632361928627_171845124728840763_n-09dc0.jpg?1550707160)
Cherif Nkeshimana