Accueil > Kwidagadura > umucuraranzi > N John > Inkuru > N John ariko akora ibiteramo n’indirimbo bikomeye mu buhungiro
N John ariko akora ibiteramo n’indirimbo bikomeye mu buhungiro
lundi 16 Ntwarante 2015
Umuririmvyi N John Melodica ntiyareze amaboko naho ari mu buhungiro, gukorana n’abandi baririmvyi n’abahinyanyuzi, ibiteramo, indirimbo nshasha, nivyo ariko ashimikirako mu kwagura umuziki ndundi. Igiteramo giheruka camuhaye intege.
Amakuru duhabwa na N John iyo yahungiye, avuga ko atigeze arera amaboko kuko niyo yahungiye bararirimba. Kuri uwo wa gatandatu igenekerezo rya 14 Ntwarante, N John Melodica afadikanije n’umurwi Baino Bandbagize igiteramo c’agakura ahitwa PIZZA GARDEN. John arashima uko igiteramo citabiriwe ku rugero ruhagije. N John Melodica ati:" Ururirimbo Nsekera ruriko runkorera ibitangaza. Nsekera iravyinitse, iratambika". Ururirimbo NSEKERA ruriko rukorwa n’umuhinyanyuzi Ray-P, yahoze ari umuhinyanyuzi mu gihugu c’Urwanda, ntirurahera neza ariko rugiye gusohoka.
Iyo ari mu buhungiro, N John Melodica amaze gusohora indirimbo zikurikira: 1.Hakuna mahali 2. My love , 3. Nsekera, 4. Ndagukunda, 6. Burundi ft Baino
Tumubajije ko yipfuza kugaruka mu BURUNDI, N John ati:"Turategereje inyishu umushikiranganji w’urwaruka, inkino n’imico kama azotanga kuko yemeye ko agiye kuvugana na bagenziwe ibitwerekeye. Nditeguye gutaha igihe cose nokwumvako umutekano wanje uzoba wifashe neza. Ndakunda Uburundi bwanje, ndanabukumbuye".
.
Umviriza uririmbo "Hafi yawe" rwa N John
Cherif Nkeshimana
