Jean Baptiste Baribonekeza:" Iyo abana bafashwe amategeko arakurikizwa"

Umukuru w’umurwi w’igihugu wigenga ujejwe agateka ka zina muntu CNIDH Jean Baptiste Baribonekeza amenyesha ko iyo abana bafashwe n’inzego z’umutekano amategeko akurikizwa.

Inyuma y’iminsi iheze hari abana bafatwa kubera bagiye mu myiyerekano,abandi bagafatwa bagiye kwinjira mu mirwi irwana,umukuru wa CNIDH amenyesha ko abana 51 aribo bapfungiwe mw’ibohero rya Rumonge.

Jean Baptiste Baribonekeza amenyesha ko naho hari abana bagipfunzwe,hari ikigo cashinzwe co kwakira abana kiri mu Ruyigi,muri ico kigo harimwo kandi abana bafatiwe muri iyo ntara bari bagiye kwinjira mu mirwi irwana.

Umukuru w’umurwi wigenga ujejwe agateka ka zina muntu arangiza ko uwogomba kubitura amarembo yuguruye,aho bakorera mu ntara za Gitega,Makamba na Ngozi canke agaterefona ku buntu ku cicaro kiri mu gisagara ca Bujumbura muri zone ya Rohero ku nimero 22277121.