Kinyinya : Ubukene bw’amazi burugarije abanyagihugu

Amazi ya rusengo yarubatswe muri komine ya Kinyinya intara ya Ruyigi, ariko amazi akaguma akenye kuko imiringoti yozanye ayo mazi itagiramwo n’ima.

Imiringoti y’amazi yubatswe yari yakiriwe neza n’abanyagihugu kuko umuzigo wo kugura amazi ya rusengo wari wagabanutse kuri abo banyagihugu, ariko muri iyi minsi ayo mabomba akaba yumye, ubukene bw’amazi bukaba buca busubira kwibonekeza muri iyo komine. Abanyagihugu bo muri iyo komine bakavuga ko amazi bayabuze mu gihe bariha amafaranga 500 ku muhana ku muhana yo gutunganya neza ahubatswe ayo mabombo.

Abanyagihugu baho i Kinyinya mu Ruyigi bakavuga ko ayo mazi bayateramira baraba ko hogira n’ima rikoroka bakabura, mu nyuma bakaba baca bihereza amazi yo mu myonga. Ayo nayo abo banyagihugu bikeka ko ashobora kuzobatera indwara ziva kw’isuku rike.