Major NTAMAGARA Hermenegilde yarekuwe

Intwazangabo mu gisirikare c’Uburundi, Major Ntamagara Hermenegilde yarekuwe ku muhingamo wo kuri uwu wa mbere, inyuma y’iminsi itatu yari amaze apfungiwe mu gasho k’ibiro bikuru vy’igendereza.

Major NTAMAGARA Hermenegilde akora mu biro bikuru vy’igisirikare c’Uburundi (Etat Major général de l’armée) yari yahagaritswe ku munsi wa gatandatu, ajanwa gupfungirwa mw’igendereza ry’Uburundi.

Kuri uwu wa mbere, imbere y’uko umuryango wiwe umenyesha ko yarekuwe, ku mbuga ngurukanabumenyi hagumye hacishwa amakuru avuga ko yatowe ikiziga. Amakuru y’iryo rekurwa ryiwe akaba yemejwe n’umuryango wiwe.