Accueil > Amakuru > u Burundi > ONU : Urwaruka n’abagore batavuye mu bukene barimwo iterambere (...)
ONU : Urwaruka n’abagore batavuye mu bukene barimwo iterambere rizogorana
jeudi 21 Myandagaro 2014
Ukubura akazi ku rwaruka biri mu bituma urwaruka rukoreshwa na banye poritike,
mu bihugu biri mu nzira ya majambere n’Uurundi burimwo.
Urwaruka rurabura akazi bigatuma rukoreshwa mu bintu bitaruteza imbere, ndetse ntibiteze imbere igihugu cose, biri mu bituma abanyeporitike barucako kugira bishikire ku ntwaro mugihe urwaruka arirwoo rugize igice kinini c’abanyagihugu. Mu Burundi rero cane cane ibice vya sinzikajwe n’intambara, urwaruka rugasabwa kuja hamwe rubanze rurabe ingorane iruhuza y’ukubura akazi, rugerageze kwiyungunganya mu migambi y’iterambere. Ivyo urwo rwaruka rukabisabwa, mugihe igisata ca ONU mu Burundi cemeza kw’ikibazo c’urwaruka bakigize nyamukuru, mu migambi yabo kuko basanze Uburundi budashobora gutera imbere, urwaruka na bagore batavuye mu bukene barimwo.
Urwaruka rw’Uburundi rugasabwa kwijukira imyuga mitomito izobashikana kw’iterambere, rugaheba ivyama bivugwa vyo guhohoterana bapfa imigambwe. Mwomenya ko amwe mu mashirahamwe ataho yegamiye mu vya poritike yaba ayo mu Burundi canke mpuzamakungu, adasiba gutera ivyatsi ingendo ya rumwe mu rwaruka rwama rwatanye mu mitwe rupfa ivya poritike.
Anitha Bizimana
