Paul Seger asaba abarundi kwirinda intambara aho yozanana hose

Paul Seger asaba abarundi kwanka icitwa intambara iyo coza kizanana hose, ivyo akaba yabishikirije mu mubonano yagiranye n’umushikiranganji Laurent Kavakure ajejwe imigenderanire y’Uburundi n’ayandi makungu.

Kuri uno wa kabiri, umushikiranganji w’imigenderanire y’Uburundi n’ayandi makungu Laurent Kavakure yakiriye Paul Seger, asanzwe aserukira igihugu ca Suisse mw’ishirahamwe mpuzamakungu ONU, akongera akaba ajejwe ibibazo bijanye no gutsimbataza amahoro mu Burundi muri iryo shirahamwe nyene.
Paul Seger yashimye uwo mubonano, aca yongera amenyesha ko rigize incuro 17 agendera Uburundi.

Yamenyesheje kandi ko iryo shirahamwe rirajwe ishinga n’impari zimaze iminsi zijanye n’ikiringo ca gatatu c’umukuru w’igihugu. Ariko akaba yamenyesheje ko arindiriye ko abarundi bonyene mu mahoro n’umutekano batorera inyishu ico kibazo.
Paul Seger yasavye kandi abarundi guhitamwo inzira y’amahoro, bakirinda intambara aho yoza izanana hose.