Umudandaza yarishwe arashwe n’umu polisi mu ntara ya Ruyigi

Umyagihugu yari asanzwe ari umudandaza wo mu ntara ya Ruyigi yaragandaguwe mwijoro ryo ku munsi w’Imana igenekerezo rya 27 Nzero umwaka w’2013,akaba yarashwe n’umupolisi,intandaro ya vyose ngo akaba ari uko yanse kumuha igiturire.

Abanyagihugu bo muri iyo micungararo bakaba baciye basimbira kuri uyo mupolisi,baramukubita amahiri n’ibipanga ,ubu uyo mupolisi, akaba ariko avurigwa mu bitaro vyo mu Ruyigi,ariko akaba aremvye.

Buramatari w’intara ya Ruyigi hamwe na comiseri w’igipolisi muri iyo ntara bakaba basaba abanyagihugu n’abapolisi gukorana neza mu ntumbero yo kubunga bunga umutekano.