Umugambwe APDR urakeza abemejwe kuba ivyegera vy’umukuru w’igihugu

Umugambwe APDR Urunani rw’amahoro urashima ingingo y’umukuru w’igihugu yo kugena Gaton Sindimwo mu kibanza c’icegera ca mbere c’umukuru w’igihugu,na Joseph Butore mu kibanza ca kabiri c’umukuru w’igihugu.

Mw’itangazo uwo mugambwe wasohoye kuri uno wa gatanu igenekerezo rya 21 Myandagaro 2015,uwo mugambwe urakeza abo bagenwe kuba ivyegera vy’umukuru w’igihugu,ukabipfuriza kuroranirwa mu bikorwa.

Umugambwe APDR Urunani rw’amahoro usaba ivyegera vy’umukuru w’igihugu,gukora batiziganye mu ntumbero yo gufasha umukuru w’igihugu Petero Nkurunziza ,gushira mu ngiro imigambi yiyemeje.

Umugambwe APDR urakeza kandi umukuru w’igihugu mu mabanga yasubiye gutorerwa yo kurongora igihugu,ukamushimira kandi kuba yarerekanye ko bishoboka gushinga Reta ihuriwemwo na bose.

Mwomenya ko umugambwe APDR Urunani rw’amahoro wifatanije n’umugambwe UPRONA mu matora aheruka.