Umwe mubayoboka Karori NDITIJE yitavye ibikorwa vy’inama nshingamateka

Umushingamateka Fabiyano Bancirwanino yatowe i Bubanza muri UPRONA ishami rirongowe na Karori NDITIJE yitavye ubwa imbere ibikorwa vy’inama nshingamateka y’Uburundi, ahamvya Rwasa Agathon hamwe na bagenzi we batowe mu runani rw’Abigenga Amizero y’Abarundi.

Umushingamateka Fabiyano Banciryanino yitavye kuri uwu wa gatatu mu Kigobe mu ngoro y’amakoraniro ubwa mbere mu bikorwa vy’inama nshingamateka, inyuma y’aho umunsi inama shingamateka y’Uburundi yatangura ibikorwa vyayo vy’ukwezi kwa kabiri 2016 kw’igenekerezo rya mbere Ruhuhuma 2016, hakiri abashingamateka bo mu runani rw’abigenga AMIZERO Y’ABARUNDI batari bwitaba na rimwe ibikorwa vy’inama nshingamateka, Pascal NYABENDA umukuru w’inama nshingamateka y’Uburundi, yagabisha ko abo bashingamateka bagiye gusubirizwa.

Umushingamateka Fabiyano Bancirwanino yatowe i Bubanza muri UPRONA ishami rirongowe na Karori NDITIJE

Pascal NYABENDA umukuru w’inama nshingamateka y’Uburundi yamenyesheje ko ibiro vy’inama nshingamateka y’Uburundi bigiye kwitura inzego zibijejwe (Sentare yubahiriza ibwirizwa nshingiro) kugira abo bashingamateka basubirizwe.

Abashingamateka bataritaba na rimwe ibikorwa vy’inama nshingamateka akaba ari abo mu mugambwe UPRONA, ishami riyoboka umushingamateka Karori NDITIJE, basanzwe bari bagiye hamwe mu matora na Agathon RWASA mu runani ABIGENGA AMIZERO Y’ABARUNDI.