Accueil > Amakuru > u Burundi > UNESCO isaba ibihugu vyose gukomeza amahoro
UNESCO isaba ibihugu vyose gukomeza amahoro
lundi 21 Nyakanga 2015
Ishirahamwe mpuzamakungu ryitaho indero n’imicokama UNESCO rimenyesha ko gushira hamwe,kwubahana no kwumvikana arizo nkingi nshimikiro z’amahoro.
Mu gihe amakungu kw’igenekerezo rya 21 Nyakanga uko umwaka utashe amakungu ahimbaza umunsi mpuzamakungu wahariwe amahoro,Irina Bokova arongoye ishirahamwe UNESCO asaba ibihugu vyokomeza amahoro mu ntumbero yo gutuma bibana neza n’ibindi hamwe n’isi yose.
Mu Burundi, umunsi mpuzamakungu wahariwe amahoro wahimbajwe kuw’Imana igenekerezo rya 20 Nyakanga 2015.Uwo munsi wahimbajwe ku civugo Dushire hamwe tubumbatire amahoro n’agateka kuri bose.
Ivyo biroro vyatewe iteka n’icegera ca mbere c’umukuru w’igihugu Gaston Sindimwo,ari kumwe n’icegera ca ca mbere c’umukuru w’igihugu Agathon Rwasa hamwe n’abandi banyacubahiro barongoye igihugu.
Mw’ijambo ryiwe,icegera ca mbere c’umukuru w’igihugu yamenyesheje ko Reta y’Uburundi ataco atazokora mu ntumbero yo kugarukana amahoro mu gisagara ca Bujumbura hamwe no mu gihugu cose.
Ibirori vyarangijwe n’igiteramo cari kigizwe n’indirimbo zirimwo ivyivugo vyo gutsimbataza amahoro.
Van Naris Mugisha
