’’Ntituzohengeshanya kubashigikira no kubatera iteka.’’

Umukuru w’igihugu Petero NKURUNZIZA n’umutambukanyi wiwe, bifadikanije n’abandi barundi, mu guhimbaza umunsi mpuzamakungu wahariwe umukenyezi, mu ntara ya Kayanza, ku kibuga c’inkino c’i Gatwaro.

Abicishije ku rubuga rwiwe rwa Twitter, umukuru w’igihugu c’Uburundi Petero NKURUNZIZA,yamenyesheje ko umukenyezi ariwe nkingi y’umuryango, akaba n’inkingi y’iterambere ry’igihugu.

Ati : « Kur’uyu musi udasanzwe wahariwe abakenyezi, ndipfurije umusi mukuru mwiza abakenyezi bose, na cane cane Umurundikazi wese aho ari. Umukenyezi ni we nkingi y’umuryango, ni we nkingi y’iterambere ry’igihugu. Ntituzohengeshanya kubashigikira no kubatera iteka. »

Umukuru w’igihugu Petero NKURUNZIZA n’umutambukanyi wiwe Denise BUCUMI NKURUNZIZA

N’umutambukanyi w’umukuru w’igihugu yipfurije umunsi mkuru mwiza w’abakenyezi aho yamenyesheje ati : "Ndifurije abarundikazi bose aho bari hose,umusi mukuru mwiza w’abakenyezi kw’isi yose. Twese tubaduke tuje ku kivi duhindure ubuzima bw’abakenyezi. Tugire ivyiyumviro binini bishika kure niho tuzoba inkingi zikomeye z’iterambere rirama."

Umunsi mpuzamakungu wahariwe umukenyezi wahimbajwe mu Burundi, ku civugo :’’Mu mitumba no mu bisagara, twese ku kivi, duhindure ubuzima bw’abakenyezi.’’