Accueil > Kwidagadura > umucuraranzi > Lolilo > inkuru > Lolilo avuga yuko yisemye mu ndirimbo yiwe yise “Mbera umu avocat”
Lolilo avuga yuko yisemye mu ndirimbo yiwe yise “Mbera umu avocat”
vendredi 15 Ntwarante 2013
Lolilo afise indirimbo yamenyekanye cane yitwa “Mbera umu Avocat” muziko ari nayo yitiriye album yiwe iherutse, ubu rero aho aviriye mugasho atangaza ko yasanze yarisemye kuko vyinshi muvyo yavuze muri iyo ndirimbo yisanze vya mushikiye.
Iyo ngo uravye ingene aririmba mbere ukumviriza amajambo ayigize ukaraba n’impamvu zatumye mu minsi yaheze uyu muririmvyi Lolilo afungwa ucubona ko bifitaniye isano kuburyo wogirango yayanditse aziko ivyo bizomushikira.
Kubwiwe nawe avugako yabonye ibimushikiye bimwibutsa cane iyo ndirimbo yiwe kuko ngo akinagera mw’ibohero abaho ntayindi ndirimbo bamwakirije Atari “ Mbera umu Avocat”.
Avuga ko ayikora atigeze ateganya ko ivyo bizomushikira , ahubwo yayikoze avugira abantu batandukanye nkuko umuririmvyi aba akorera abo azi nabo atazi.
Ivyo vyatumye ngo iyi ndirimbo ayiha agaciro gakomeye kuko agiye no gutangura gutegura isinema izoba yitwa “Mbera umu Avocat” nkuko yabitangaje akiva mw’ibohero.
Arangiza ashimira abantu bose bashoboye kumwereka umutima w’urukundo igihe yarashikiwe niyo ngorane kandi abwira abakunzi biwe ko bokomere, abateganirije vyinshi vyiza imbere.
Joel Sengurebe
Messages
22 Ntwarante 2013, 10:48, par furahajmv
niyihangane turi kumwe turamwemera!
3 Ruhuhuma 2014, 12:39, par Jean marie lil boss
Lolil turi inyuma yawe ndakunda indirimbo zawe