Accueil > Kwidagadura > umucuraranzi > Jiji Seven > Inkuru > Jiji Seven yatanguye urukurikirane rushasha muri Studio nshasha
Jiji Seven yatanguye urukurikirane rushasha muri Studio nshasha
mercredi 3 Kigarama 2014
Umuririmvyi Jiji Seven aratangura gushira amajwi mu ndirimbo zizoba zigize urukurikira rushasha. Urwo rukurikira rusa n’urwuguruye inzu y’ubuhinyanyuzi nshasha.
- i Buryo Jiji Seven, i bubamfu umuhinyanyuzi Bachir Dia
Urukurikirane ruzoba rugizwe n’indirimbo 10 zose zikozwe mu rurimi rw’icongereza, mu mpera za Nzero umwaka 2015 rushobora kuzoba rwasohotse. Nk’uko Jiji Seven abitubwira, urwo rukurikirane rukozwe kubw’amasezerano afitaniye n’inzu ifasha abaririmvyi yo muri Nigeriya yitwa iRecord Limited. Ari naco gituma izo ndirimbo zose zizokorwa mu ruririmi rw’icongereza. Jiji abandanya avuga ko urukurikirane yise "He Knows Me" ruzoja ku rugero mpuzamakungu kuko n’ubutumwa ashaka gutanga aciye mu ndirimbo buraba buri muntu wese aho ari hose kw’isi.
Ubwo butumwa Jiji Seven avuga indirimbo ziwe zizohurirako ni ubu bukurikira : "Twese dufise itanguriro rimwe. Nta muntu n’umwe yitoreye umuryango avukiramwo, aho avukira, igihe co kuvukirako, igitsina canke ubwoko. Ivyo vyose vyabaye ku gushaka kw’Umuremyi".
Urukurikirane rwa Jiji Seven ruzokorwa n’umuhinyanyuzi Bachir Dia mu nzu yiwe nshasha y’ubuhinyanyuzi MADIBA STUDIO. Jiji ashobora kuba umuririmvyi wa mbere azoba akoreye indirimbo muri iyo nzu (Studio de Production).
- Ibikoresho biri MADIBA Studio
- Ibikoresho biri MADIBA Studio
Umviriza ururirimbo "We are the Same" ya Jiji Seven
Cherif Nkeshimana
