Accueil > Kwidagadura > umucuraranzi > Jiji Seven > Inkuru > Jiji Seven yibazako agiye kuruhuka ariko siko vyagenze
Jiji Seven yibazako agiye kuruhuka ariko siko vyagenze
mercredi 5 Ntwarante 2014
Urugendo umuririmvyi Jiji Seven yaramazemwo iminsi mu gihugu c’Urwanda ntirwabaye nk’uko yari yabiteguye. Ica hindutse n’uko yari azi ko agiye mu karuhuko, ariko ashitseyo bigaca bihinduka, yasanze hari abamunyotewe.
Kuva kw’igenekerezo rya 28 Ruhuhuma, umuririmvyi Jiji Seven yari mu gihugu c’Urwanda. yagiye inyuma y’iminsi mikeyi isanamu y’ururirimbo " Dance with me "isohotse. Jiji Seven akigenda yavugako agiye gufata akaruhuko gato. Ariko siko vyagenze
Ashitse mu Rwanda bamubwiyeko hari umuririmvyi w’umurundi aba muri ico gihugu yama avugako amukunda, yumvise ko Jiji ari muri ico gihugu, barabonanye baca bumvikana gukorana ururirimbo. Kw’igenekerezo rya 03 Ntwarante, kuva mu gitondo, Jiji Seven yari kumwe na Peniel bari mu nzu y’umuhinyanyuzi Johnson. Umunsi waheze bajeje gukora ururirimbo " I will dance for u Lord". Bwakeye amajwi yarwo yahejeje gutunganywa. Ubu rero ururirimbo ruriko ruravuzwa.
Muri urwo rugendo yatumiwe mu nsamirizi zo muri ico gihugu, yari umutumire mu kiganiro "Sana Weekend Relax" gica ku nsamirizi SANA.
Muri uno mwanya, uwo muririmvyi ari mu modoka agaruka i Burundi mu gihugu ciwe.
Umviriza ururirimbo "i will dance for u Lord" aha munsi
Cherif Nkeshimana
