Best Life Music: Umurwi watowe ku rwego mpuzamakungu

Ku ncuro ya kane, AFRIMMA yasohoye urutonde rw’imice itandukanye y’abaririmvyi n’abahinyanyuzi bagiye kuzohabwa ubushimwe. Mu Burundi hatowe umurwi Best Life Music mu gisata c’Abaririmvyi bari mu mirwi. Imbere ya Best Life Music haza Sauti Saul(Kenya), Weasel & Radio(Uganda), Toofan(Togo), Bracket(Nigeria), Mi Casa(Suth Africa), R2bee’s(Ghana). Inyuma ya Best Life Music, haza imirwi ya Moto Band( Tanzania) hamwe na Forca Supreme(Angola).

Umurwi Best life Music wagize amahigwe yo gutorwa

Twobamenyeshako umurwi Best Life Music uronse uburenganzira bwo kuzokwitabira igiteramo co gutanga ubushimwe kizoba kw’igenekerezo rya 08 Gitugutu kizobera i Dallas muri Reta Zunze Ubumwe za America. Ikindi twobamenyesha n’uko ari ubwa mbere hatorwa abaserukira Uburundi muri iryo higanwa, kuva ritanguye mu mwaka w’i 2014.